Oq-Qoradaryo suv taqsimlash inshooti

Oq-Qoradaryo suv taqsimlash inshooti suv taqsimlash hamda gidrotexnika maqsadlariga xizmat qiladi. Suv taqsimlash tizimi irrigatsiya va energetika ehtiyojlari uchun muhim rol oʻynaydi.

Oq-Qoradaryo suv taqsimlash inshootida mavjud nazorat oʻlchash qurilmalari avval inson omili orqali boshqarib kelingan. Bizning loyihamiz orqali ushbu tizimni inson omilisiz, toʻliq avtomatik usulga oʻtkazilib, nazorat oʻlchash tizimi modernizatsiya qilindi. Bunda bosimli va bosimsiz pezometrlar, filtratsiya suvlarini aniqlash tizimlari, gidropostlar hamda meteostansiyalar toʻliq raqamlashtirildi. Hozirda ushbu tizim yuqori aniqlik bilan ishlab, real vaqt rejimida foydalanuvchilarga maʼlumot yetkazib bermoqda.

Suv taqsimlash inshootining nazorat oʻlchov qurilmalarini raqamlashtirishda quyidagi uskunalardan foydalanildi. Bosimli pezometrlarga suv bosimini oʻlchash uchun tebranuvchan simli datchiklar, bosimsiz pezometrlarga esa suv chuqurligini oʻlchash uchun tebranuvchi simli datchiklar, filtratsiya suvlarini sarfi oʻlchash (vodosliv)da loyqalikni aniqlovchi datchik hamda tebranuvchi simli suv sathi datchiklari, gidropostlarga oʻrnatilgan ultratovushli suv sarfi hamda suv sathi datchiklari, atmosfera bosimini oʻlchash uchun barometr, harorat datchiklari qoʻyilgan. Ushbu datchiklardan keladigan maʼlumotlarni qabul qilib uzatuvchi Datalogger va Multiplexer kabi qurilmalardan foydalanildi.